هل تعلم ماهو الحرمان

هل تعلم ماهو الحرمان

اقرء المزيد

اشتقت لك

اشتقت لك

اقرء المزيد

وثقت بك

وثقت بك

اقرء المزيد

اكتفيت منك

اكتفيت منك

اقرء المزيد

شكُونْ فْ الدنيا عل حق

شكُونْ فْ الدنيا عل حق يدافع
ياك الكثير ما فيهم نفع
مْطْعُونِينْ فْ الظْهْرْ ومَا ضَحِّينَا بْ لْعْمْرْ
ياك أخرها هم لقبر
بنادم ف الزنقة دَالَحْ مَا مَرتَاحْ
الخوف ولقهر عليه قاضي
ف لعماق الفوضى ومن الفوق يبان لبحر هادي
الحق والباطل هنا
الشاهد يزور لعمى. . والحاكم ما يدوق المعنى
يا بنادم دار الصابون ما شي جفنة
الطعام إلى صخون رد اللقمة
يكفانا اللي احنا فيه
يكفى الجوع وما قاسينا
كل شي ديالنا وحنا مواليه
اللهم صلي على النبي رســول الله يا محمد شفيع أمته زين الصـورة
آسبحان الدايم لَغْنِي وعاتق لنفاس يَا مْحْضَّرْ لْعْشُوب بعد ما يبســـــو
آه غِيرْ عْلِينَا يَا مُولْ الـقُــبـَّـــــــــة دْخِيــــــلْ لِيـــكْ يـَــا رَسـُــــولَ الله
من كثرة الظلم ظهري تحنــــــــــى طول عُمْرِي وُعِيشْتِي ف المحبــة
كثيــر بحالــي مــا شافـــو الهنـــــا عـْـيِــيــتْ نْفْـــرَّزْ شكــــون احنـــا
الربيع حان وقته ما نْبَتْ نــــــــوار لخريــف هــذا عــم كـــل لقصـــار
طبقة رسات راسها فوگ الطبقـات حطت وفرخت جرادها تما بقــــات
اللسان ما طلب الغفران والعمر دايزة ساعتـــه
عديم الثقة ف الرحمـان والفضايل اللي فاتــــــو
علينا غيرو الزمـــــــان بنادم ميت ف حياتـــــه

اقرء المزيد

الحلال والحرام

لحلال غلة, به تعمر لمطامر...

مفتاح الخير,في الشدايد والمحنة

لحرام شيح, شرو من بعيد ظاهر...,

شيطان خرس,مكسي باللعنة.

لابس لحلال, كريم سلالة ما يكابر,

خبزو معجون,..مذاق أو بنة..

قانع زمان بالقليل أو شاكر,

قلبو كبير ساكناه لمحنة.

********

سالك لحرام,طريقو مسامر,

لسانو, صابون,فراكة و جفنة...

دقت الوجيبة,ديما حاضر,

نديرو فاتحة,يسبق شد الركنة..

********

الراكب لحلال,طريقو بشاير.

الشر يتحاشاه,الخير فيه يتسنى.

حزامو السلامة,بالنعمة ما كافر

كلامو قصيدة,ميزان أو غنة...

********

كرش لحرام,الشر منو يتقاطر,

عينو بارود ,تصيب الذيب و الرنة.

رحى الخصومة, مول النواعر..,

الله سد عليه بيبان الجنة.

********

غمس لحلال,أو بلط النوادر,

كرف الحرام,من طريقك و تهنة.

شد ليمن,سوق و تعنﯕر

مول ليسر,بزز عليه يتسنى.

********

سربيس لحرام,سيسان لهياضر,

حسابو حساب,تخلاط العجنة.

راسمالو, موس و شواقر..,

ذبيحتو جيفة,تقبس من باب الﯕرنة.

********

كسيبة الحلال,غنم الحواضر

حكمة, سر, في الكتاب و السنة

كسيبة الحرام,حمير و كيادر

صداعهم,ناقوس واصل الﯕنة

********

زريعة الحلال,ماس و جواهر

تغني مولاه, لهين و هنا

زريعة الحرام,تبن و غبابر

ما تكيل عبرة,ما تهز حفنة

********

فاسوخ الحرام,شعيل لمجامر

فيخراتو,صرتو أو صرنا

تباخيرت لحلال,جاوي حير

حجاباتو,دعاوي محصنة

********

سينيت لحلال ,براد مشحر

ساقيه,حديث أو معنى

ليقامتو,نعناع ملقم, أو عنبر

ريحتومشموم,إرد الفطنة

********

جعبوق لحرام,سم مقطر

كيسانو,غرارف الشﯕنة

ليقامتو,شيح مغبر

يتشرب وقت الحرنة

اقرء المزيد

قصيدة زجلية بعنوان"حمودة مات لهـــيه"

بسم الله الرحمان الرحيم

قصيدة زجلية بعنوان"حمودة مات لهـــيه"

إلى ضحايا قوارب الموت...

إلى ضحايا الهجرة من أجل لقمة العيش...

إلى ضحايا الأوضاع المزرية ، التي يعيشها شباب البلاد...

إلى قلوب أمهات أولئك الذين غادروا ولم يعودوا...

أولئك الذين دفعتهم عزة النفس إلى المخاطرة من أجل كرامة العيش...

إلى أولئك جميعا أهدي هذه القصيدة الزجلية...

علامات الصيف هذي

ها السياح من كل اجناس

لسعة الحر كتنادي

لازم نخفو اللباس

بعد ثلث فصول

ها الصيف جا ياناس

الفلاح جنى مافي الحقول

وكمل حصاد ودراس

الطالب علق اللوحة

وحط القلم والكراس

الخدام خذا سيمانة مربوحة

و الشاوش مابقى عساس

******************

فيك بالصيف ...

تهجر الناس المنازل

وفيك تكثر السهرات

يعود الكلام ...

حديث في " البورطابل"

" والرايبن " في العين دوات

فيك يالصيف...

تبان المحاسن ...

الناس كلها تعرات

والعين تعشق...

تحيرها المفاتن

بغرام الزين تكوات

ها السيارات الفخمة

ها التخيام في "الڨيلات"

أمواج البحر دايرة نغمة

عليها لريام رقصات

***************

وانت يا حمودة في صمتك ساكن

وعينك في النوم ماغفات

واش هذا حال ديما راكن

واخا العطلة ڭالو جات

**************

شط البحر أخويا مايرفق

ما يرثى لحالي

وصاو الشمس أخويا تحرق

كل عديم بحالي

********************

جوع كلبك يتبعك

كلمة ماعندها ساس

إلى جاع الكلب يعضك

وبالسعرة يعدي ڭاع الناس

**********************

نتيجة لسياسة القمع

وخطة التفقير والتهميش

أصبح حال الدنيا يخلع

حتى لين يبقى صابر الدرويش

شي بمال الدولة يتمتع

وشي ما لاقي باش يعيش

شي في المال العام كيوزع

فين التحقيق ولجنات التفتيش

***************************

شباب البلاد في الغرب طمع

مشاو شبان بعقول راجحة

بعد حين لما الفجر طلع

لقاو نفسهم في فضايح واضحة

البنات ڭالوا الزهر طلع

مشاو شابات بأخلاق صالحة

لا وحدة منهم قدت ترجع

استغلوهم عصابات فالحة

*******************

حمودة ولد مي زينة

عيا وزمانو خياب

عند القنصل دار روينة

قصد الخوت و الاصحاب

ما يملك أرض للرهينة

ماليه في البنك حساب

مايعرف حد في المدينة

ماعنده في الكبار احباب

**********************

توسد الدبلوم ونعس عليه

ڭال هذا حلمي ورجايا

شحال حلم وحلمه مافاقه عليه

ظهره عريان ورجليه حفايا

باسم كلثوم طلاله طلت عليه

وتذكر عذاب القرايا

بعد الباسبور "الڨيزا" تعذرت عليه

ودار الحريڭ في النوايا

*********************

قصد واحد منهم وحكى ليه

واعطاه الثمن بالعناية

خذا الفلوس وهرب عليه

خلاه بين الناس رواية

********************

عزم وصمم وقرر بيه فيه

على ذراعه شمر وتوجه ليه

لقى " رموك " واقف تقدم ليه

بين روايده بغى يمشي لهيه

جا المخزن بالمصباح ضوى عليه

هانوه وضربوه ما فات الحال عليه

عاود الكرة و"الرموك" طلع ليه

حصل هذ المرة وجراو عليه

*******************

ما يأس ما فقد الأمل

وبقى يترجى يكون لهيه

افلح هذ المرة وجا الأجل

قطع البحر ووصل لهيه

لكن شافوه صحاب الحال

ولقاو القبض عليه

عاود لبلاده كان المآل

وحتى الحبس دخل ليه

عزم ما يبقى هنا محال

وحلف ما يكون غير لهيه

*****************

قهراتو الوقفة في راس الدرب

وكره عشرة القهاوي

شاف سيارة بلون الذهب

مالي أنا؟ ولى وحده داوي

عاود صمم لابد يذهب

وعزم يحقق ما ناوي

****************

ودع ممته ومشى زربان

وما صغاش لما نهاتو

وصل لطنجة سالت في " التران "

وفي الزنقة قضى ليلاتو

ناداه البحر مشى ليه عريان

والفلوكة في حملها ما حملاتو

لقى راسو غارق بين نسا وصبيان

الفلوكة مشات وخلاتو

البحر هايج والامواج طوفان

ما قدر يخرج الجرة حبساتو

من كان في العوم عيان

من الموت يصعب فلاتو

في الما يقدف والحوت فرحان

من لحمه تشهى يدير عشاتو

صبري يا مو هذا زمان

فيه ضاعو خوته وخواتاتو

********************

لما فاق لقى نفسه وحده

مفرش التراب في مكان خالي

تساءل فين هو وشكون للي نقده

ما لقى جواب هز عينيه في العالي

شاف السما عرف شمس بلده

الله يا ربي مال هذا حالي

احمد الله فلت بجلده

صلى على النبي وذكركل صالح والي

************************

عاود قطع البحر و مشى فرحان

بلغ المقصود و حقق مرادو

لما وصل لديار الاسبان

شم ريحة سلافو و جدادو

شحال تألم وبكى يا إخوان

لما تذكر تاريخ بلادو

في " مالڭا" شاف العمران

من العرب خذاو مدادو

في " اشبيليا " خويا الإنسان

سليل طارق و احفادو

*********************

في الأندلس تسمع الآذان

والنبي عليه تمت صلاتو

في "مدريد" يتقرا القرآن

في الجامع الناس تلاتو

آثار العرب يا إخوان

في الغرب داير صواتو

في الموسيقى و الألحان

عود "زرياب" نشد غناتو

و اليوم من بلاده هربان

يسعى للرومي فضلاتو

شحال منهم ذوك الشبان

فالغرب معمرين خلاتو

مخاخهم ذهب عقيان

ويديهم الحرير صنعاتو

يخدم بأبخس الأثمان

في العراصي نهاروليلاتو

يظل واقف جيعان

يتسنى من الروم فتاتو

همو يرجع الوطن

بعد مايكون أمن حياتو

***********************

حمودة للذل ما ركع

وحياة الذل ما رضاها

نصحوه يصبر ما سمع

خلى ميمتو وما عاود جاها

حمودة مازال نجمه يلمع

و نوره في السما يتباهى

حمودة مشى ما رجع

و صياد النعامة يلقاها

***********************

لقاو فمو محلول

والذبان يلعب في لهاتو

واش مات مقتول

ولا نوبتو ناداتو

واش عاش مقبول

ولا العنصرية قتلاتو

من على موته كان مسؤول

حنش ولا عقرب قرصاتو

واش مات كان معلول

ولا شرب السم ونهى حياتو

جابوه في صندوق مقفول

من الصدمة ناحت امه وبكاتو

في التأويل كلها واش يڭول

والحق ممتو ماعرفاتو

**********************

ولدي حمودة أنا عارفاه

نفسه غالية ولسانه بارود

لو ماشي الهمة للي دافعاه

ما يقصد النصارى واليهود

حمودة بلعه البحر وما تقياه

حمودة باقي يتربص بالحدود

حمودة مدفوع مسحوب من ڭفاه

حمودة الدبلوم كلاه الدود

حمودة استسلم وتبع هواه

حمودة صبره فات الحدود

***********************

حمودة عنده في العلم نصيب

حمودة الدبلوم غمل في الجيب

حمودة مات لهيه..............

حمودة مات غريب

اقرء المزيد

قـصــة الخــــــــــروف عشـــق ذيبـــــة

يــا هــــــل العـــقــــول الراجحــــــــة

يـــا عشــــــــاق الحــكـــــــايـــــــــــة

تمعــــنـــــو في الاقـوال الناصحــــــة

و سمعــــــو هــــذ الـــــــروايــــــــــة

***********

قـصــة الخــــــــــروف عشـــق ذيبـــــة

هـــام فـــي حبها وذاق ليعة الغــــــــرام

بادلتــــــــه العشـــــق ولات لـــه حبيبـة

عطاو مثال في التعايش والســـــــــلام

جــــراو في الجبــــال والادغال الرهيبة

***********

عاشو في هنا و سرور و ضحكت الايام

النــاس العقــــال شافـــــوها غريبـــــــة

القـــــــط كــــــــــالو ما يعاشر الحمـــام

الدنــيا هـــذي أمـــــورها عجيبـــــــــــة

و زادو نقـــطو في اللغـــا و الكــــــــلام

***********

تحداو الليالي و عجــــاج الخريـــــــــف

و صبرو لحر الشمس اللهيبــــــة

في الربيع تمتعو بالنسيم و الهوا اللطيف

و الورد دايـــــــر بالزريبـــــــــة

الخروف كبر وبقى في صورته نظيــف

عاش هايــــم في غــــرام الحبيـبة

قانع بالعشــــب مهـــما كــان خفيـــــــف

***********

راضي بعيشــــــــته مــع الحبيبــة

عــــقلات الذيـــــــــبة بعدما رشـــــــدات

وفي دمها تحركات الغريـــــــــــــــــــــزة

شعرت بلحـــــــم الخروف فيــه لـــــــذات

لحــمـــة الغــنـــمي عنـــــدها عــزيـــــــزة

***********

للغابـــــــة داتـــــــــه وعلـــــيه تحايـــلات

حمــــرت عينــــيها و اســنانــها بــريــــزة

على بغتـــة عوات و على نيابها كشــــرات

خرجو الذياب وعليه دارو التويـــــــــــــزة

اقرء المزيد

فهاد الزمان حيراتني واحد القضية !!

فهاد الزمان حيراتني واحد القضية !!

البنت بغاتو تركي والولد بغاها سويدية !!

هادي مابغات ولد البلاد خدام خدمة عادية !!

وهذا بغا الشهبة والوراق آش يدير بالسعدية !!

نسيتو الواقع المر لي عايشين فيه نتا ونتيَّا !!

آ خويا علاش كاتشوف بعيد واش معجباتكش المغربية !!

أنا بعدا كانفضل بنت بلادي لي تفهمني وتطهلا فيا !!

ههه وتشبعني شهيوات وحريرة وشباكية !!

واخا نكون غي خضار تكون تبغيني وقابلة بيا !!

وحسن من هاديك آلزعرة السويدية !!

عندها برويطة ودار وكاتكبر عليا !!

وكاتحكم ماعرفتش شكون الراجل واش أنا ولا هي !!

وأصلا ماعندي ماندير بلي ماتعرفش بحق وآآليديا !!

والله يخلي ليا بنت بلادي تكون خلوقة ونعم التربية !!

وهاديك البنت لي بغات تركي واش غادي يبغيهاا !!

ماضربتش الحساب للمستقبل وآش مخبي ليها !!

ماتعرف لا طياب لا عجينة غي كاتشوف بعينيها !!

مسكينة المسلسلات التركية آثرو عليها !!

تبقا دّور حتا تشبه وفالأخير مغربي يتزوج بيها !!

يعيشو فالحلال ويولدو وليدات ويتهلا فيها !!

يا ختي خليك مع ولد بلادك لي عزيز عليه المعقول !!

آشمن ربح غادي تجيبيه من بيروت ولا إسطنبول !!

رجالهم يديرو الماكياج ماتعرفيش كريم من البتول !!

شوفي المغربي الخدمة والكتاف خدام بحال الغول !!

صراحة هادو لي كايفكرو هاكَّا غي ديال التصرفيق !!

علاش باغي طير وعلا ناس بلادك تعيق !!

المهم أنا قلت لي عندي ونتا بقا تحلم حتا تفيق !!

ونتي بقاي تابعة المسلسلات التركية !!

حتا تلقاي راسك فالنهاية ديال الطريق !!

وتبقاي تڭولي ياربي تسهل عليا !!

بشي راجل وخا يكون من المزمبيق !!

وتقولي إييييه مهنّد ولد الحرام دارها بيا !!

وتكرهي أيام الماكياج والتحنقيز والتجلويق !!

اقرء المزيد

دورة في المحطة

في يوم من الايام كاندور سرات لي قصة

حبيت نتنزه جايب دورة فالمحطة

تلاقيت غزالة شابة زوينة وبوكوسة

قابلتني تبكي وجاية ضاربة شي حطة

قلت لها مالك قالت لي لاتسولني

راني في حيرة ولا تزيد الهم عليا

جون بحالك حبيتوا واليوم غدرني

راني هربانة خايفة الشوهة لواليديا

يا منين بدات تحكي سالو دموعها هطالة

بكاتني العذراء حكاتلي قصة مطوالة

شفاتني الحالة وكرهت جميع الرجالة

لي يديروا هاد الحالة كايضحكوا على بنات الناس

الرجالة مالكوم واش ماعندكومش الاحساس

اللي ماعندوا اختوا ايجيب الله تكون لو بتنوا

ردوا بالكم يا اللي ضحكوا على بنات الناس

اللي غدر شي ولية على ماتبانلوا في حياتوا

يا صبرت الخبيلة وبنادم تهبل

وديك الليلة شحال بكات وحسات بالعار

قصدتني تبكي تقول وين راه الحل

قلت لها صبري را الندامة جاتك روتار

يا دي الشابة صغيرة وكلشي العمر فات عليها

دارت الثقة حيت طمعها بالخطبة

حسات بالغدرة قضى الحاجة وراح عليها

رماها للزنقة وراها اليوم في غلبة

ياشوفوا لحالها ولاتزيدوها بالهضرة

خليوها تبكي تفاجي شويا من الاضرار

الحب سبابها هو اللي رماها فالغدرة

ورماها عميا وجات فيدين ذاك الغدار

راها نادمة وغير فهموني يا لبنات

ياملات الهضرة وقالت هي بالاجهاض

بغات تقتل روح وخافت هيا مولاها

باغى تتخلص من الصبي لي غايخرج

رفض الدكتور وفالاخير راه تبعها

من اللي بدالها ويا حبابي العملية

انا فالخارج كانتسنا وقلبي يضرب

وبعد دقائق رد الدكتور خرج ليا

قالي صبر راه الام والجنين ماتوا بزوج

هادي قصيدة من عند جواد هدية

عبرة للفتيات الي يركبو الطوموبيلات

ويعشقوا الحبة ويتيقوا فشهر 8

اقرء المزيد

العدرة طلة من السرجم

أي و الله عدرة محضرة طلت مـن سرجم

عـارم زلالة باهـيـة بـقـد مخنت في قوامه

و الحـسـن الفـايـق يفتخـر عـن دريـة سـام

طعنتني يا عشاق صرت من وجدي ندمـم

و انادي من شوقي و ليعيتي قلبي هاج غرامه

حـيـن نـظـرت الكاوية دليلي دعجة الانيام

قلت لها يا هيفـة هواك جار علـي حـرجـم

بالقوم و عساكر صاق لي ينادي عني بلطامـه

كبلني و مسيت في حكامه مـمـلـوك غـلام

بعد ما كنت سريع في كلامي ولـيـت ابكـم

خاضع متواضع طالب الرضى تحت لقاح عـلامـه

باســط خـدي للـهـوى نهـاديـه بغيـر مـلام

انا يـا فـي حـمـاك قلـت لهـا يـا ولفي مريم

شفقـي مـن حالي يا الباهية يتخفف سقامه

مـن ذيـك النـظـرة البـاشـرة حيـيني بسلام

قالـت لـي مكمـولـة المحاسـن عيـن العارم

أوصف لي زيني و جهره عقد في تروامه

اتـكـلـم نـصـغـى لمنطـقـك كـان انت نجام

قلت لـهـا يـا طلعـة القمـر تـدريـنـي حـاكم

و الحكما يخشاوا حكمتي لا زايغ باقدامــه

سالي اهل المعنى يخبروك آ صيني لريـام

لكن اسمع لي انبهجك في نظامـي تـعــلام

آ مسبوغ التيتين شي ثعابن لقدامك حـاموا

الـوفـرة ظلـمـة غشات فـوق جبينـك تبسام

عندك غرة زاهرة منـورة شاحـنـهـا عظلم

بين القاب قوسين الحواجب خطين قلامــه

تلـويـن الـقـديـر ربـنـــا الـمـالـك الـعـــلام

و العيون صرادة دعاج و الشفر سيف يقسم

الخشم السايل كأن طير غاطس كاشف لثامه

و الوجنـات النايريـن و الخدود ورود توام

شـفـايـف مـن جلار و الثغر قرمز و لا دم

بـيـنـهـم زوج خـيـوط در حكـم الله تنظامه

و الريق احلا من سلسبيل و الزنجبيل ختام

و الـرقـبـة لـوجـيـن مشلة بالعسـجـد تهـزم

و الجيد جيد العفرة النافرة جلايب عنها حاموا

لضعاد خناجر مجبـرة و مـرافـق في قوام

بـدمـالـجـهـم منـبـتـيـن بحجـار الماس فهم

و اعلم يا مولاتي على كفوفك رسم ترسامه

زواق بـسـبـغــة رقـايـقـي يـسـمـى وشــام

و خمسة في خمسة مفوتين جميـع خـواتـم

منهم لبروق تشير من يطيق يحقق بنيـامـه

عجبة و عجوبات ياسرين فـي طـي العـدم

و الصدر الصافي من الرخام بهيج مرخـم

كانه روضة دالليم شي نوابغ بزغوا في مقامه

و لـبـدن رهـدان و الخـدلـج عـلـيـه حــزام

و السرة ياقوتة مخيرة من كنز مطـمـطــم

بدباج و قز مطلسمة عفاريت عليها حاموا

و الخصر و لرفاغ نعت شوابل في تعـوام

و العكنـون و السيقـان عـاج بالبـلار مرقم

و القـدام تفـافـح و البريـم من ذهب تبرامه

و المزدم فيه موبرة غلات ما تتخلص بسوام

و القد قد السرولة او رايـة مـا بـيـن عجـم

عليها النجمة و الهلال تاج العـز احتـرامه

و الا نـخـلــة مـزعـبـلـة سـاعدتـهـا الايـام

هذا هو العشر في اوصافك عندك تـوهــام

أ محنتي و سباب ليعتي قسمك في رشرة قسامه

يحسـن عوني من هواك نبكي بدموع سجام

نرثي مثل القمري على النتا وحده في المرسم

طول الداج ينادي بقرحته طاش عليه منامه

مـجـروح و مقروح من فراق العارم برقم

هذا حـال الملـسـوع بالهـوى مثلي يا فاهـم

لما يلقى الزين ينخلج و تتكسـر اعـظـامـه

من لا جربوا ما يوافقوا في معاني و كـلام

اقرء المزيد